National Quality Assurance Standards (NQAS) hi kan vantlang damdawi in (Public Health Facilities)-te tana quality tehna sang ber a ni a. External Assessor hna hi mawhphurhna lian tak a nih rualin, facility-te hmasawnna tura kawng kawhhmuhtu (facilitator) kan nihna a pawimawh hle. Feedback form-a ‘Excellent’ score hmu tur leh assessment hlawhtling tak nei tur chuan heng hi kan zawm tur pawimawh zualte an ni:
1. Inpuahchahna leh Hun Vawn Dik (Preparation & Punctuality)
Assessment ṭan hmain inpuahchahna (Assessment Plan) felfai tak neih tur a ni. I co-assessor nen inbe rawnin, tuin nge eng department nge a endik ang tih te, kal dan tur (itinerary) te sawi lâwk tur a ni.
Chutiang bawkin, hun vawn dik (punctuality) hi assessor ṭha mizia a ni. Hun tiam hmain briefing room emaw, facility emaw thlen hman tum tur a ni a, hei hian i co-assessor leh damdawi ina thawktute i zahna leh hna i ngaihpawimawh zia a lantir a ni.
2. Thiamna leh Hriatna Thûk Zâwk (Knowledge of System & NQAS)
Checklist-a zawhna awmte chauh en loin, NQAS measurement system-in a tum ber (intent) leh Public Health System kalphung hriat chian tur a ni. Gap i hmuh chhuah khân IPHS guideline emaw, NHM policy-te nen engtin nge a inzawm tih i hrilhfiah thei a nih chuan, assessor danglam bik i ni tih a hriat ṭhin.
3. Thawhpui Co-assessor leh Staff-te nena Inlaichinna
Assessor-te hi ‘inspector’ kan ni lo a, ‘peer reviewer’ kan ni tih hriat tur a ni.
- Co-assessor nen: I co-assessor nen i ngaihdan a inan loh pawhin staff-te hmaah inhnial loin, a hrangin sawi dun ṭhin tur a ni. Inrem tak leh inthláwp tawn taka assessment neih hian feedback ṭha a rawn chhuah ṭhin.
- Facility Staff nen: Staff-te lakah ‘receptive and respectful attitude’ neih tur a ni. An hna thawh kan zahsak a, an harsatnate ngaihthlâksak thiam a pawimawh.
4. Siamṭhatna Kawng Kawhhmuh (Facilitate Learning)
Gap zawn chauh hi kan hna a ni lo. ‘Excellent’ feedback hmu ṭhin assessor-te chuan, staff-te kha engtin nge hma an sawn theih ang tih ‘recommendation’ ṭha tak an pe ṭhin. Best practice dangte share-a, hmasawn tura puih (facilitation) hi NQAS assessment thil tum a ni.
5. Rinawmna leh Report Siam (Integrity & Report Preparation)
Assessment neih laiin mahni hna hlen tur a ni a, hospitality leh thil dang lakah fihlim tur a ni (Professional Ethics). Chutiang bawkin, assessment zawha final report siam hian puih i inhuam hle tur a ni. Evidence rintlak tak nena report felfai tak ziah hi i thiamna tilangtu a ni a, he hnaa i co-assessor i puih hian ‘Excellent’ feedback chu i hmu ngei ang.